 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Прыпынак па патрабаванні
У месцы, дзе ён забаронены,
Парушае правілы
Дарожнага руху.
Ды і я не ведаю,
Навошта менавіта тут,
Калі мой квіток
Да канечнай станцыі.
Прыпынак па патрабаванні
Пасярод праезджай часткі,
Неяк знянацку,
Раптоўна, але няўпэўнена.
Думкі разгубіліся,
Пачуцці страцілі час,
І голас узяў на сябе адказнасць
Вымавіць: “Спыніцеся!”
Прыпынак па патрабаванні
Без шанца вярнуцца назад,
Выправіць памылкі
І змяніць квіток.
Але нікому невядома,
За якім з паваротаў
Нас чакае гушчар,
А за якім – вольная прастора.
Прыпынак па патрабаванні,
Каб крыху падумаць
Над жыццём…
2008
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
